Visit Basel

Öffentl. Samstagsführung

Nächste öffentliche Führung

Nächster öffentlicher Kurs

Nächstes öffentliches Event

Nächster Ausflug

Programmvorschlag: Die greeschte Irrtimer voo Basel

S zwaidailige Programm «Die greeschte Irrtimer» fiert Eich dur d Basler Altstadt, wo Eich en Apéro erwartet. 

 

1. Programmdail: Rundgang dur d Altstadt

 

Eire Visit Basel Stadtfierer erwartet Eich vor em Minschter und goot mit Eich uff d Spuurejaggd noo de greeschte Irrtimer iber Basel.

 

In Basel git s daatsächlig Lyt, wo noo draa glaube, ass dr «Lällekeenig» de Glaibasler dr Lälli uusestregge wurd. Wär so ebbis Lustigs vrbraitet, wisse sälbst mir nit; wie men uff uff die Ydee koo kaa, erscht rächt nit! Gheeret Iir eppen au noo zue dääne «Guetgläubige» und sin Iir eppe au dr Iberziigig, ass dr Lucius Munatius Plancus dää Käärli sig, wo Basel grindet haig? Oder ass daas Gässli zem Martinskirchli uffe emool voo 11000 Jumpfere bestiige worde sig?

 

Also guet! Wär em  60 Meter hoche Georgs- und em 62 Meter hoche Martinsduurm am Minschter Kirchdiirm sait, däm sig (jetz noo) vrgää. Wär aber bim Hof, wo vo Arkaade umgää isch, näb em Minschter vom ene Krizgang redet, fir dää wär's neetigm emool iber d Biecher z goo! Ibrigens au denn, wenn me dr Mainig wär, as d Basler Stadtmuure nur aim Kanooneschuss stand ghalte hät!

 

Wisset Iir aigedlig, wie lange as es unseri Fäärene scho git? Syt em Mittelalter? Vrgässet s! Genau so wie dr Vogel Gryff en uuuuuuuuralts Bruchdum sig!

 

Jä, in Basel vrzellt me sich noo vyyl – doch hoffedlig glaubet Iir nid immer alles. Doo git s Gschichte wie zem Biispiil die mit em Salm. Dää sig en Arm-Lyten-Ässe gsi, well mir sone enoorme Fischrychdum im Rhy ghaa haige. Glaubed Iir dass wirgglig? Die Gschicht wird noo digger: Es wird behauptet, ass es Aagstellte voo Basler Herrschaftshyyser friener vrdraaglig zuegsicheret worde sig, ass sii pro Wuche nit mee als drey Mool Salm ässen mien. Die armen Aagstellte! In die Kategorie voo sottigen Ammemäärli ghört au d Legände, ass  s Hotel «Drey Keenig», bzw. korräggt «Les Trois Rois», sigi ains voo den eltischte, wenn nid iberhaupt dr eltischt Gaschthoof voo Europa und wurdi uff e Vorgängerbetrieb, Herbärg «zer Blueme». Und au doo wirds noo digger: Dr Naamen tragi daas eerwirdige Hotel syt emene «Dreykeenigsträffe» im Joor 1026. Deent jo nid schlächt, aber Iir aanet s: En Irrtum!

 

D Hischtoriker vo dr VISIT BASEL AG hän sich vorgnoo, äntlig emool mit dääne greschten Irrtimer vo Basel uffzruume - ai und für alli Mool!

 

Eiri Fierig ändet im traditionsryche Laiezoorn, wo Eich en Apéro erwartet!

 

2. Programmdail: Apéro

 

Eiere rustikaale Apéro im Laiezoorn wird Eich uff lange Holzbrätter kredänzt:

 

 

Rose vom Tête de Moine

uss Bellelay im Jura

 

dinn gschnittes Bindnerflaisch

uss em Engadin

 

heehlegryften Ämmidaaler AOC

uss em Ämmidaal

 

Hobelkääse

uss de Bärnr Alpe

 

Salsiz

uss em Bindnerland

 

Sbrinz

uss dr Innerschwiz

 

Schunggespägg

uss em Baselbiet

 

Vacherin Mont-d'Or

vom Lac de Joux im Jura

 

und nadierlig Basler Klepfer

 

garniert mit

 

frische Salaatblettr,

Ziibeleringli

und knaggige Essigggugummere

 

beglaitet vo

 

oofefrischem Buurebroot

 

 

Yygschlosseni Laischtige

 

• Rundgang «Die greeschte Irrtimer voo Basel» voo 1½ Stund mit Eirem Visit Basel Stadtfierer
• Apéro wie oobe beschriibe
• Koschte fir d Organisation, Uffdraagsabwigglige und die professionelli Durefierig voo Eirem Bummel
• Gsetzligi Meewärtstyr

 

Nit yygschlosse

 

• Gedrängg

 

Richtbryys

 

CHF 49.00

 

Dr Richtbryys vrstoot sich pro Person bi mindeschtens 25 Persone und findet bi Durefierig an aim vo de Bummelsunntige Aawändig. Anderi Gruppegreessene sin sälbschtvrständlig au meeglig. Allerdings kemme denn anderi Bryyse zer Aawändig. Vrlanget e detaillierti Offärte, wo genau auf Eiri Wintsch und Bedirfniss aapasst isch.

 

Optioone / Änderige

 

Daas Programm vrstoot sich als Ydee! Unseri Spezialischte kenne Eich ainzelni Moduul ändere oder aapasse, es kaa wäggloo oder erwyteret wärde. Au Änderige bym Ässe oder Dringge sin meeglig.

 

Vrfiegbarkait

 

Daas Programm git s nur an de Bummesunntige.

 

Bitte beachtet, ass d Vrfiegbarkait vor allem beträffend Riimligkaite stargg yygschränggt isch! Mir empfääle uss däm Grund unbedingt e friezytigi Buechig!