Visit Basel

Öffentl. Samstagsführung

Nächste öffentliche Führung

Nächster öffentlicher Kurs

Nächstes öffentliches Event

Gaignet für: 20 bis 60 Personen

Programmvorschlag: Dunggels Galibasel

S zwaidailige Programm «Dunggels Glaibasel» fiert Eich in d Glaibasler Altsdtadt, wo Eich aaschliessend e Fondueplausch erwartet.
 
1. Programmdail: Rundgang dur s Glaibasel
 
Eiere Visit Basel Stadtfierer erwartet Eich im Groossbasel am Bruggekopf. Zämme mit iim verleent Iir die «sicheri» Syte und dauchet yy ins «minderi Basel». Fraiet Eich uff e Rundgang dur dunggli Gässli under em Titel: «Moord und Dootschlag im Glaibasel».
 
Iir wärdet uff dääre Fierig eppis iber unseri waggere Soldaate, aber au iber unseri «fromme» Fraue vom Klingedaal erfaare. Mir nämmen Eich mit zur gfäärligschten Abideeg, zu de gschitterete Sälbschtmerder und de mysteriese Häxe voo Basel und zaigen Eich, wo Basel am gruuseligschten isch.
 
Eieri Fierig ändet im Brauereilokal Linde, wo Iir zem ene Fondueplausch erwartet wärdet.
 
2. Programmdail Fondueplausch
 
D Linde isch jo bekannt fir iiri seer gueti und boodeständigi Kuchi. Uff Wuntsch wird deert fir Eich sogar dää Disch yydeggt, wo in dr Mitti dr Zapfhaane montiert isch, drmit Iir Eich sälber mit Flissigem vrsoorge kennet.
 
Im Glaibasler Brauereilokal Linde wird Eich e ganz e bsunderi Fonduespezialideet kredänzt: S Original Ueli Bier Fondue. So aifach d Spezialideet isch, soo ainzigartig isch s kulinarische Erlääbnis! Aber kai Angscht! S Original Ueli Bier Fondue isch nit wyt wäg vom ene klassische Kääsfondue.  D Finesse isch as statt Wyy Bier vrwändet wird, werum as daas Fondue e weeneli siessliger isch. Abgrundet wird s mit de Bierring, wo dr Wäg uff dr Disch finde, aastell vom gweenlige Wyssbroot. Ah joo, drungge wrid drzue nadierlig under gar kaine Umständ Wysswyy, sondern – wie kennt s au anders sy – Bier … oder besser gsait: Ueli Bier, daas wo dr Basler Arzt Hans Jakob Niedecker 1974 aagfange het z braue als Antwort uff s grosse Bierkartell.
 
Yygschlosseni Laischtige

• En aistindige Rundgang «Moord und Dootschlag im Glaibasel» mit Eirem Visit Basel Stadtfierer
• S Original Ueli Bier Fondue im gmieddlige Brauereilokal Linde
• Koschte fir d Organisation, Uffdraagsabwigglig und die professionelli Durefierig voo Eirem Bummel
• Gsetzligi Meewärtstyr

Nit yygschlosse

Gedrängg

Richtbryys (Phägglispeziaaltarif)
 
Richtbryys bi 40 Persone: CHF 39.00*

Richtbryys bi 35 Persone: CHF 41.00*
Richtbryys bi 30 Persone: CHF 43.00*
Richtbryys bi 25 Persone: CHF 45.00*
Richtbryys bi 20 Persone: CHF 47.00*
 
Dr Richtbryys vrstoot sich pro Person und findet bi Durefierig an aim vo de Bummelsunntige Aawändig. Vrlanget e detaillierti Offärte, wo genau uff Eiri Wintsch und Bedirfnis aapasst isch!
 
Startzyt
 
D’Startzyt wählet Ihr sälber! Gärn veriibare mir dä mit Eich nach Absprooch.
 
Dräffphunggt
 
Vor em Roothuus
 
Ändphunggt
 
Linde in dr Rhygass
 
Minimali und maximali Dailnämmerzaal
 
Zur Duurefiehrig voo däm Programm git s e minimali und e maximali Dailnämmerzaal:
 
Minimali Dailnämmerzaal pro Gruppe: 20 Persone
Maximali Dailnämmerzaal pro Gruppe: 40 Persone
 
Maximal sin bis 2 paralleli Grippli respektive Gruppe meeglig (= 60 Persone).
 
Bi mehrere parallele Gruppe isch bi de obe ufgfiehrte Richtbryyse (Phägglispeziaaltarif) die jewiiligi Gruppengreessi massgäblig (z.B. bi 60 Persone: 2 x Richtbryysstufe «bi 30 Persone …»).
 
Optioone / Änderige
 
Daas Programm vrstoot sich als Ydee! Unseri Spezialischte kenne Eich ainzelni Moduul abändere oder aapasse, es kaa wäggloo oder erwyteret wärde. Nadierlig sin au Änderige bym Ässe und Dringge meeglig.
 
Vrfiegbarkait
 
Daas Programm git s nur an de Bummelsunntige.
 
Bitte beachtet, ass d Vrfiegbarkait vor allem was d Riimligkaite bedrifft stargg yygschränggt isch! D Noofroog isch halt maischtens greesser als s Aagibot. Mir empfääle uss däm Grund unbedingt e meegligscht friezytigi Buechig!