Visit Basel

Öffentl. Samstagsführung

Nächste öffentliche Führung

Nächster öffentlicher Kurs

Nächstes öffentliches Event

Nächster Ausflug

Programmvorschlag: E Verschweerig z Basel

S zwaidailige Programm «E Verschweerig z Basel» fiert Eich dur d Basler Altstadt, wo Iir im Aaschluss vom ene Zmidaag oder Znacht erwartet wärdet.

 

1. Programmdail: Rundgang dur d Altstadt

 

Eire Visit Basel Stadtfierer erwartet Eych vor em Minschter und daucht mir Eich under em Titel «Dudum Sacrum- in de Fäng vom Vatikaan» in d Groossbasler Altstadt yy. 

 

Am 13. Novämber 1484 wird dr Erzbischof Andreas voo Kram, wo s Basler Konziil wiider yyberuefe will, in synere Gfängniszälle ermordet uffgfunde. Hiiwys, wo sy gwaltsaame Doot erklääre und uff e finschteri Verschweerig dite, git s unzääligi. Drotzdäm gäbe sii dr Wisseschaft Rätsel uff. Oder waiss me doch mee und haltet daas verschwiige?

 

Dr Visit Basel Grinder, Christian Rieder, isch wäärend ere Recherche uff mysteriesi Ungriimthaite z middst in Basel vom 15nte Joorhundert gstoosse. Was är drby entdeggt, vrschreggt iin z tiefscht. Dr Rieder schaltet subito sy Frind und Kompagnon, dr Kunschthistoriker und Religionswisseschaftler Mike Stoll yy. En uffregendi Faggdejagt dur d Joorhundert nimmt iire Lauf.

 

D Visit Basel Stadtfierer waie im Raame vom ene exklusiive Rundgang dur die mittelalterligi Altstadt voo Basel e begränzti Aazaal Persone in die daatsächlig gfundene Faggte yy.  D Spuure fiere zue de päpschtlige Wirre wäärend em Basler Konziil, zur räätselhafte Graableegig vom Erasmus voo Rotterdam im Basler Minschter, in Sog voo Alchemii und Freymuurerey bis hii zu de Zinft und zur hittige Fasnacht.

 

Eiri Fierig ändet im traditionsryche Laiezoorn, wo Eich e Zmidaag oder e Znacht erwartet!

 

2. Programmdail: Zmidaag oder Znacht

 

Fir Eier Zmidaag oder Znacht wärdet Iir im historische Gaschthuus Laiezoorn erwartet, aim vo de zentraale Pinggd an dr Fasnacht. Mir wärde luege, ass Iir en aigene Saal bekemmet – je noo Gruppegreessi.

 

S git e feyn und gmietlig Ässe. Wäälet sälber (aber im voruus):

 

 

Menu 1

 

Huusgmachti, laiestarggi Daagesubbe

 

***

Laufedaaler Pouletschänggeli «Jeeger Art»
mit ere feyne Waldpilzsoosse, vrfyyneret mit Ziibele
und drzue Anggenuudle

 

***

 

Daagesdessert

 

 

Menu 2

 

Huusgmachti, laiestarggi Daagesubbe

 

***

 

Härzhafte Rindflaischvoogel

an ere Blauburgundersoosse mit Gmieswirfel

und drzue huusgmachte Häärdepfelstogg

 

***

 

Daagesdessert

 

 

Menu 3

 

Huusgmachti, laiestarggi Daagesubbe

 

***

 

Gschnätzlets vom Baslerbieter Kalb
serviert mit ere Dunggelbier-Ziibelesoosse
und drzue Pilawryys und märtfrisches Gmies

 

***

 

Daagesdessert

 

 

Vegi-Menu

 

Huusmgachti, laiestarggi Daagesubbe

 

***

 

Badischi Gmies-Spätzli
serviert mit verlossenem Sälbaiangge

 

***

  

Daagesdessert

 

 

 

 Yygschlosseni Laischtige

 

• Rundgang «Dudum Sacrum – In de Fäng vom Vatikaan» voo 1½ Stunde mit Eirem Visit Basel Stadtfierer
• Zmidaag oder Znacht wie oobe beschriibe (Menu 1)
• Koschte fir d Organisation, Uffdraagsabwigglige und die professionelli Durefierig voo Eirem Bummel
• Gsetzligi Meewärtstyr

 

Nit yygschlosse

 

• Gedrängg

 

Richtbryys

 

CHF 62.00

 

Dr Richtbryys vrstoot sich pro Person bi mindeschtens 25 Persone und findet bi Durefierig an aim vo de Bummelsunntige aawändig. Anderi Gruppegreessene sin sälbschtvrständlig au meeglig. Allerdings kemme denn anderi Bryyse zer Aawändig. Vrlanget e detaillierti Offärte, wo genau auf Eiri Wintsch und Bedirfniss aapasst isch.

 

Zueschleeg

 

Menu 2: CHF 6.00 pro Person
Menu 3: CHF 9.00 pro Person
Vegi-Menu: kai Zueschlaag

 

Hiiwys

 

Bitte wäälet en ainhaitlig Menu und gäänd uns bitti aa, wievyyl voo Eich Vegetarier sin.
Danggerscheen!

 

Optioone / Änderige

 

Daas Programm vrstoot sich als Ydee! Unseri Spezialischte kenne Eich ainzelni Moduul ändere oder aapasse, es kaa wäggloo oder erwyteret wärde. Au Änderige bym Ässe oder Dringge sin meeglig.

 

Vrfiegbarkait

 

Daas Programm git s nur an de Bummesunntige.

 

Bitte beachtet, ass d Vrfiegbarkait vor allem beträffend Riimligkaite stargg yygschränggt isch! Mir empfääle uss däm Grund unbedingt e friezytigi Buechig!